ZAMONAVIY TA’LIM TEXNOLOGIYALARI VOSITASIDA “RAQAMLI PEDAGOGIKA” FANINI O‘QITISH METODIKASI

Abstract

Ushbu maqolada raqamli pedagogika fanini o‘qitishda  zamonaviy ta’lim texnologiyalaridan foydalanish, ushbu fan mazmunini talabalarga yanada qiziqarli, interfaol va samarali tarzda yetkazish, zamonaviy ta’lim texnologiyalarining imkoniyatlari, ularni darsga tatbiq etish metodikasi va kutilayotgan pedagogik samaralar, fan doirasida media savodxonlikni oshirish uchun asosan raqamli medialardan foydalanish ko‘nikmasini oshirish, ta’lim jarayonida turli mobil ilovalar va platformalardan foydalanish bilan o‘quv materialini yanada boyroq va interfaol tarzda o‘zlashtirish haqida so‘z borgan. Shuningdek, maqolada raqamli pedagogikani o‘qitish jarayonida talabalarning mustaqil izlanishi, axborotni tanlash va baholash, raqamli resurslardan maqsadli foydalanish hamda o‘zlashtirilgan bilimlarni amaliy vaziyatlarda qo‘llash imkoniyatlariga alohida e’tibor qaratiladi. Raqamli vositalarni o‘quv jarayoniga kiritishda ularning texnik imkoniyatlaridan ko‘ra, ta’lim maqsadiga muvofiqligi, pedagogik vazifani hal etishga xizmat qilishi va talabaning faol ishtirokini ta’minlashi muhim mezon sifatida qaraladi. Shu asosda fan mazmunini amaliy topshiriqlar, muammoli vaziyatlar, hamkorlikdagi faoliyat va refleksiv mashg‘ulotlar bilan uyg‘unlashtirish orqali bo‘lajak pedagoglarning raqamli muhitda metodik qaror qabul qilish ko‘nikmalarini rivojlantirish yo‘llari yoritiladi.