ZAMONAVIY AXBOROT TEXNOLOGIYALARI YORDAMIDA TA’LIM JARAYONINI TASHKIL QILISH

Abstract

Mazkur maqolada zamonaviy axborot texnologiyalarining ta’lim sohasidagi o‘rni, ularning hozirgi kunda ta’lim tizimiga ta’siri va innovatsion texnologiyalarni qo‘llashning rivojlanish natijalari tahlil qilinadi. O‘qituvchilarning zamonaviy texnologiyalar bilan ishlash metodlari, ularga oid bilim va ko‘nikmalarning samaradorligi o‘rganilgan. Maqola, shuningdek, ta’lim jarayonida zamonaviy texnologiyalarni qo‘llashning o‘quvchilarning bilim olish imkoniyatlariga qanday ta’sir ko‘rsatishi, masofaviy ta’limning samaradorligi hamda ZATlarning ta’lim sifatini oshirishdagi o‘rni haqida muhokama qiladi. XXI asrda raqamli texnologiyalarning tez sur’atlar bilan rivojlanishi ta’lim jarayonlariga ham jiddiy ta’sir ko‘rsatmoqda. Xususan, masofaviy ta’lim, aralash ta’lim, “flipped classroom” kabi pedagogik modellar va ularning amaliy qo‘llanishi ta’lim samaradorligini oshirishda muhim vosita bo‘lib xizmat qilmoqda. Maqolada ushbu uslublarning nazariy asoslari, jahon va milliy ta’lim tajribasidagi o‘rni, o‘quvchilarning bilim olish motivatsiyasi, tanqidiy fikrlash qobiliyatiga bo‘lgan ta’siri statistik ma’lumotlar va ilmiy manbalar asosida tahlil qilinadi. Zamonaviy axborot texnologiyalaridan foydalanish nafaqat ta’lim sifatini oshirish, balki uzluksiz ta’lim tizimini shakllantirishda muhim omil ekani asoslab beriladi.