INKLYUZIV TA’LIMNING MUAMMO VA YECHIMLARI

Abstract

Ushbu maqolada O‘zbekiston Respublikasida inklyuziv ta’limni rivojlantirishning huquqiy, pedagogik va ijtimoiy asoslari tahlil etiladi. Xususan, “Ta’lim to‘g‘risida”gi qonunning yangi tahriri, Prezidentning PQ–4860-son qarori, shuningdek 2020–2025-yillarda inklyuziv ta’limni rivojlantirish konsepsiyasida belgilangan vazifalar mazmuni yoritiladi. Maqolada alohida ta’lim ehtiyojiga ega bolalarni umumta’lim muassasalariga integratsiya qilish, inklyuziv guruh va sinflar tashkil etish jarayonining nazariy va amaliy asoslari o‘rganilgan. Inklyuziv ta’limning asosiy tamoyillari, jamiyatdagi ijtimoiy-psixologik ahamiyati, pedagoglar zimmasiga yuklatilgan mas’uliyat hamda zamonaviy o‘qituvchining inklyuziv kompetensiyalari ilmiy nuqtai nazardan tahlil qilinadi. Shuningdek, inklyuziv ta’limni joriy etishning dolzarb muammolari infratuzilmaning yetishmasligi, stereotiplar, malakali kadrlar kamligi va oilaviy-ijtimoiy to‘siqlar kabi masalalar yoritilib, mazkur tizimni samarali rivojlantirish bo‘yicha nazariy va amaliy takliflar bildiriladi. Maqola inklyuziv ta’limning insonparvarlik va adolat tamoyillariga asoslanishi, bolalarning ta’lim olish huquqi va jamiyatga teng qo‘shilishida beqiyos o‘rin tutishini asoslaydi.